विराटनगर,२३ असार।  कोशी प्रदेशका प्रदेश प्रमुख  परशुराम खापुङ्गले  तेह्रथुम जिल्ला निवासी महेन्द्रप्रसाद गुरागाईलाई  आइतबार प्रदेश लोकसेवा आयोगको अध्यक्ष पदमा नियुक्त गरेका छन् । प्रदेश प्रमुख खापुङ्गले प्रदेश लोकसेवा आयोग ऐन २०७६ को दफा ३ को  उपदफा(२)बमोजिम गठित सिफारिश समितिले  सोही ऐनको दफा ३ को  उपदफा (५)बमोजिम  नियुक्त गरेका हुन् ।

विराटनगर उच्च अदालतका मुख्य न्यायाधिश रमेशप्रसाद राजभण्डारीले प्रदेश प्रमुखको कार्यालयमा अध्यक्ष गुरागाईलाई आइतबार साँझ  पद तथा गोपनियताको शपथ ग्रहण गराएका थिए ।  शपथ ग्रहण  समारोहमा प्रदेश प्रमुख खापुङ्ग, कोशी प्रदेशका मुख्यमन्त्री हिक्मतकुमार कार्की, प्रदेश सभाका सभामुख अम्बरबहादुर बिष्ट, प्रदेशका मन्त्रीहरु, सुरक्षाका प्रमुखरु, प्रदेश लोकसेवा आयोगका सदस्यहरु, प्रदेशका निकायका प्रमुखहरु, विभिन्न मन्त्रालयका सचिवहरु एवं कर्मचारीहरुको उपस्थिति रहेको थियो ।