featured photo: Birat Post

विराटनगर,२२ असार । विराटनगरमा ‘निदान’ चलचित्रको प्रदर्शन गरिएको छ । सुजल कोइरालाले यो चलचित्र निर्माण गरेका हुन् । कोइरालाले १७ वर्षको उमेरमा यो चलचित्र बनाएका हुन् । चलचित्रमा विद्यमान राजनीति र जनताको भावना अनुरुपका विकास नभएको भन्दै व्याङ्ग्यात्मक टिप्पणी गरिएको छ । शनिबार विराटनगरमा एक कार्यक्रममा बीच नेपाली कांग्रेसका केन्द्रीय सदस्य भीम पराजुलीले चलचित्र प्रदर्शनको सुभारम्भ गरेका थिए ।

कार्यक्रममा बोल्दै कांग्रेस नेता पराजुलीले विराटनगर राजनैतिक चेतनाको थलो मात्रै नभएर चलचित्र,साहित्य र कलाक्षेत्रका हरेक विधामा सशक्त रहेको बताए । कलिलो उमेरमै चलचित्र बनाएर सामाजिक क्षेत्रका कुराहरु उठान गरेको भन्दै उनले कोइरालाको प्रशंसा गरे । चलचित्र,साहित्य र कलाक्षेत्र लगायत अन्य विधामा केही गरौ भन्नेहरुलाई प्रोत्साहन गरिनुपर्नेमा जोड दिए ।

शेैक्षिक अभियन्ता तथा एभरेष्ट बोर्डिङका प्रिन्सिपल टिकाराम पुरीले किशोर अवस्थामै चलचित्र बनाएर कोइरालाले आफ्नो भविष्यको शुरुवात गरेको भन्दै धन्यवाद ज्ञापन गरेका थिए । उनी आफ्नो विद्यार्थी पनि भएको र नजिक बाट भविष्य बोकेको उर्जाशिल विद्यार्थीकारुपमा आफुले लिएको बताए ।

विराटनगर स्थित परोपकार सामुदायीक भवनको सभाहलमा भएको कार्यक्रममा विराटनगर-३ का वडाध्यक्ष बासु बस्नेत, चलचित्रकर्मी महासंघ कोशी प्रदेश अध्यक्ष अरुण कुमार प्रधान ,कलाकार इन्द्र परियार,गायक प्रवलदीप विश्वास लगायतको सहभागिता रहेको थियो । सयौ दर्शकहरुले चलचित्र च्यारिटी सो हेदै कोइरालाको प्रशंसा गरेका थिए । विराटपोष्ट संग कुरा गदै सुजलले आगामी दिनहरुमा अझ उत्कृष्ट फ्लिम बनाउन सकिने बताए । कलाक्षेत्रमा केही गरौ भन्ने भावनाका साथ यो क्षेत्र रोजेको कोइरालाले बताए ।

सम्बन्धित

ताप्लेजुङको पाथीभरा क्षेत्रमा हिमपात

ग्रेटर नेपाल अभियानका फणिन्द्र नेपाल पक्राउ

पाठेघरको मुखको क्यान्सरसम्बन्धी अभिमुखीकरण सम्पन्न

दुर्गा प्रसाईंलाई अदालतमा उपस्थित गराइयो