Birat Post बुधबार, आषाढ २०, २०८१ मा प्रकाशित
विराटनगर,१९ असार । केन्द्रीय राजनीतिक समीकरणमा आउन लागेको फेरवदलको असर प्रदेश तहमा पनि सुरु हुन थालेको छ। केन्द्रमा नेकपा एमाले र नेपाली कांग्रेसको सरकार बन्ने सहमति जुटेपछि प्रदेश तहमा पनि हलचल सुरु हुन थालेको हो।
कुनै भवितब्य नपरे कोशी प्रदेशमा कांग्रेस प्रवेश गर्दैछ । सहमतिका आधारमा तत्काल मुख्यमन्त्री हिकमत कार्कीले नै सरकारको नेतृत्व लिने छ । आलोपालोको अवस्था पनि आउन सक्ने आंकलन गरिएको छ ।
हाल एमाले नेतृत्वको सरकारमा माओवादी महत्वपूर्ण मन्त्रालयका साथमा छ । नयाँ सत्ता समिकरणका आधारमा कोशी प्रदेश सरकार अगाडि बढ्ने मुख्यमन्त्री कार्की बताउछन् । माओवादीका मन्त्रीहरुलाई सत्ता समिकरणको अवस्थालाई मध्यनजर गर्दै बाटो खुल्ला गर्न आग्रह गर्नेमा एमाले छ । सम्वन्ध स्रोतका अनुसार माओवादीले सम्हालेका मन्त्रालयमा कांग्रेसकालाई सहभागी गराइने छ । यसका लागि आन्तरिक तयारी भइरहेको सम्वन्ध नेताहरुको भनाई छ ।
कांग्रेस र एमाले मिल्दा प्रदेश संसदमा भारी बहुमत हुन्छ । कांग्रेसको २९ र एमालेबाट ४० सांसद छन् । नेपाली कांग्रेसले पनि नयाँ सरकार गठनको बारेमा केन्द्रको निर्देशन कुर्ने भएको छ। नयाँ समीकरण अनुसार प्रदेशमा सरकार बन्ने तर माथिको निर्णय मान्दै अगाडि बढ्ने नेपाली कांग्रेस कोशी प्रदेश संसदीय दलका नेता उद्धव थापा उद्धव थापाले बताए ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
