featured photo: Birat Post

विराटनगर,१० असार /मोरङको कटहरी गाउँपालिका भित्र रहेको सामुदायिक विद्यालयहरूलाई प्रविधिमैत्री बनाएर शिक्षण सिकाइ उपलब्धीमूलक बनाउन गाउँपालिका लागि परेको छ ।
प्रविधिको उपयोग गर्दै विद्यालयको शिक्षण सिकाइलाई उपलब्धिमूलक बनाउन गाउँपालिका भित्र रहेको १९ वटा सामुदायिक विद्यालयलाई प्रविधिको प्रयोग हुन थालेको हो ।

कटहरीमा रहेको ३ मावि र १६ वटा सामुदायिक विद्यालयहरुलाई प्रविधिमैत्री बनाए अगाडी बढाउन पालिका लागि परेको कटहरी गाउँपालिका अध्यक्ष देबराज चौधरीले बताए । प्रविधिको उपयोग गरेर शिक्षण सिकाइ उपलब्धी बनाउन लागि परेको उनले बताए । तेही अनुसार गाउँपालिकाले आइतबार एलइडी, खेलकुदका सामाग्री, शैक्षिक सामाग्रीलगायतका विभिन्न सामाग्रीहरु बितरण गरेको छ । केही दिन भित्रमा वाइटबोर्ड पनि बितरण गर्दैछ । यसअघि पनि यहाँको सामुदायिक विद्यालयहरुलाई कम्प्युटर र प्रिन्टर वितरण गरेको छ ।

गाउँपालिकाले विद्यालयहरुमा डिजिटल हाजिरीको शुरुवात गरेको छ । डिजिटल हाजिरीबाट शिक्षक कर्मचारीलाई विद्यालयमा नियमित उपस्थितिका लागि सहयोग पुग्ने विद्यालयले अपेक्षा गरेको छ । शिक्षक समयमै उपस्थित हुने, पूरा समय अध्यापन गर्ने कार्य गरे शैक्षिक सुधारका धेरै सूचक पूरा हुने अध्यक्ष चौधरीले बताए । ‘कम्प्युटर कक्षा मल्टीमिडिया प्रयोग गरेर पढाउन शुरु गरिएको छ ।

गाउँपालिका भित्रका सबै विद्यालयलाई प्रविधिमैत्री बनाउने हाम्रो योजना हो । त्यसै अनुसार अहिले पालिका भित्र रहेका विद्यालयहरुमा प्रविधिका सामाग्रीहरु वितरण गरिएकोे छ,’ अध्यक्ष चौधरीले भने । प्रविधीसँग जोडेर विद्यार्थीहरुको शिक्षण सिकाइ उपलब्धी मुलक बनाउनुको साथै गुणस्तरीय शिक्षा आजको आवश्यकता भएको उनले बताए । ‘शिक्षाको सार्थक परिणामका लागि गाउँपालिका लागि परेको छ ।

प्रविधिसँगै शिक्षालाई अद्यावधिक गर्नसके शैक्षिक रुपान्तरण गर्न सहज हुने छ,’ उनले भने , ‘प्रविधिसँग जोडेर विद्यार्थीहरुलाई रोजगारमुखी शिक्षा प्रदान गर्ने गाउँपालिको योजना रहेको छ । अहिले हामी यसरी योजनाबद्ध तरिकाले अगाडी बढेका छौं ।’