featured photo: Birat Post

भारतीय अदालतले भन्यो तीन साताभित्र अदालतमा प्रतिउत्तर पठाउनु
काठमाडौँ,१७ फाल्गुन । पतञ्जली आयुर्वेदले विभिन्न मिडियामा भ्रमपूर्ण विज्ञापन गर्न नरोकेको भन्दै इन्डियन मेडिकल एसोसियसनले सर्वोच्चमा दिएको निवेदन प्रति अदालतले औला ठड्याएको छ । एसोसिएसनले अवहेलनाको निवेदन दिएको थियो ।

सो निवेदनमा सुनुवाइ गर्दै भ्रमपूर्ण विज्ञापन गरी देशका सम्पूर्ण नागरिकमाथि धोकाधडी भएको अदालतले जनाएको छ । अदालतले भ्रमपूर्ण विज्ञापन तत्काल बन्द गर्न र पतञ्जली आयुर्वेद र त्यसका सञ्चालक आचार्य बालकृष्णलाई तीन साताभित्र अदालतमा प्रतिउत्तर पठाउन पनि आदेश दिएको छ । यसअघि भएको अदालतको फैसला उल्लंघन गर्दै भ्रमपूर्ण विज्ञापन गरेको भन्दै पतञ्जली आयुर्वेदमाथि पूर्ण रुपमा प्रतिबन्ध लाग्नसक्ने तर्फ ध्यान दिन अदालतले चेतावनी दिएको छ ।