Birat Post शनिबार, माघ २०, २०८० मा प्रकाशित
काठमाडौं, २० माघ । नेकपा एमालेका अध्यक्ष केपी शर्मा ओलीले सत्ता गठबन्धनलाई जवाफ दिन २०८४ को निर्वाचनको प्रतिक्षामा रहेको बताएका छन् ।
पार्टीको काठमाडौं जिल्ला कमिटीले आयोजना गरेको युवा महोत्सव–२०८० को शनिबार उद्घाटन कार्यक्रममा अध्यक्ष ओलीले यस्तो बताएका हुन् । हरेक परिवर्तनका लागि एउटा निर्वाचन पर्याप्त हुने उनले बताए ।
उनले भने, ‘गठबन्धन, माकुराका कतिवटा ८ वटा खुट्टा हुन्छन्, यिनीहरुका पनि त्यस्तै छन् । हामीले अधिनायकवाद, तानाशाह, राजतन्त्र, पञ्चायत सबै फ्याक्याैं भने यो जोडजाम गरेर बनाएको गठबन्धन कुनै ठूलो कुरै होइन । एउटा चुनाव सधैंका लागि यस्ता गठबन्धनका संस्कृति, कुसंस्कृतिहरु अन्त्य गर्नका लागि काफी छ । त्यसैले हामीले भनेका छौ मिसन ८४, यसले यो सबै समस्याको एकैपटक दबाई गर्छ । गठबन्धन जस्तो क्यान्सरको मेजर अप्रेसन ८४ मा गरिँदै छ ।’
अध्यक्ष ओलीले अर्थतन्त्रको वर्तमान अवस्थाबारे टिप्पणी गर्दै रेमिट्यान्स माथिको निर्भरता उचित नभएको भनाइ राखे । रेमिट्यान्सले चलेको अर्थतन्त्र जस्तो धरासय अरु केही नभएको भन्दै उनले गठबन्धन सरकार मुलुकको दिगो विकास सुदृढीकरणतर्फ नभइ रेमिट्यान्सतर्फ अगाडि बढेको बताए । उनले भने, ‘देशको समस्या भनेको युवाहरु बाहिरिने क्रम बढ्दै गएको छ । अहिलेको गठबन्धन सरकार रेमिट्यान्स आइरहेको छ भनेर खुसी भइरहेका छन्, तर रेमिट्यान्सले चलेको अर्थतन्त्र जस्तो धराशय अरु केही पनि हुँदैन । संयुक्त राष्ट्र संघले दिगो विकासको लक्ष्य तोकेको छ, हामी सबैभन्दा अभरपर्दो रेमिट्यान्स अर्थतन्त्रतर्फ जाँदै छौ । दिगो विकासको लक्ष्य होइन्, आफ्नो उत्पादन बढाएर सुदृढ हुने होइन, रेमिट्यान्सतर्फ जाँदै छाैं ।’
नेपाललाई शिक्षा, स्वास्थ्यको हब बनाउनु पर्ने ठाउँमा शिक्षा र स्वास्थ्यका अवसर समाप्त पार्ने काम भइरहेको आरोप पनि अध्यक्ष ओलीले लगाए । उनले भने, ‘हाम्रा शासनमा हुनेहरु खासगरि गठबन्धनमा हुनेहरुको नीति नै गलत छ । नेपाललाई शिक्षा, स्वास्थ्यको हब बनाउनु पर्ने यहाँ शिक्षा र स्वास्थ्यका अवसर समाप्त पार्ने काम भइरहेको छ । आज शिक्षाको लागि बाहिर जानपर्ने अवस्था छ, यसले एउटा डरलाग्दो निराशा पैदा गरेको छ । समस्याहरु छ तर समाधान पनि छन् । कुनै पनि देश अरु आएर बनाउँदैन, आफैंले बनाउनुपर्छ ।’
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
उपनिर्वाचनका दिन सवारी चलाए २५ हजार जरिवाना
जेनिथ कलेजमा एकदिने अभिमुखीकरण कार्यक्रम सम्पन्न
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
