विराटनगर,२६ पुस । राष्ट्रिय प्रजातन्त्र पार्टी मोरङले श्री ५ पृथ्वीनारायण शाहको ३०२ औं जन्मजयन्ती तथा राष्ट्रिय एकता दिवसको अवसरमा रक्तदान कार्यक्रम सम्पन्न गरेको छ । विराटनगरको बी प्लटमा बिहिबार गरिएको रक्तदान कार्यक्रममा ३० प्रिन्ट रगत संकलन भएको राप्रपा जिल्ला प्रवक्ता तथा स्वास्थ्य विभाग प्रमुख संजय विक्रम अधिकारीले जानकारी दिए ।
उक्त कार्यक्रममा बोल्दै राप्रपाका मोरङका अध्यक्ष गोपाल कट्वालले नेपालको एकिकरणकर्ताको संझनामा कार्यक्रम गरिएको बताए । उक्त कार्यक्रममा राप्रपा केन्द्रीय सदस्य केदार कोइराला, विश्वमोहन थापा, केन्द्रीय सहायक प्रवक्ता दिनेश साह, राप्रपा जिल्ला उपाध्यक्ष राजेश मास्के , सचिव जय सिटौला ,प्रदिप सुवेदी , जिल्ला सदस्य पवन सुराना ,धार्मिक महिला विभाग संयोजक अमृता धिताल, जिल्ला सल्लाहकार दिलिप धाडेवा ,डा. दुर्गा अधिकारी र प्रकृति मानव केन्द्रित जन अभियान झापा अध्यक्ष जगन्नाथ आचार्य लगायतको सहभागिता रहेको थियो ।