Birat Post शुक्रबार, पुष २०, २०८० मा प्रकाशित
विराटनगर,२० पुस ।
राज्यले अर्थतन्त्र सुधारको उदेश्य राखेको हो भने लगानीका लागि उचित वातावरणको विकास गर्नुपर्नेमा विराटनगरका उद्योगी तथा व्यवसायीहरुले जोड दिएका छन् । आन्तरिक राजस्व विभागका महानिर्देशक दीर्घराज मैनाली संग शुक्रबार विराटनगरमा गरिएको कर सम्वन्धी अन्तरक्रिया कार्यक्रमका सहभागी वक्ताहरुले उद्योगी,व्यवसायी माथी मात्र गिद्धेदृष्टि राज्यले राख्नु नहुने र उचित वातावरणको व्यवस्थापन मिलाउन आग्रह गरे ।
कार्यक्रममा बोल्दै मोरङ व्यापार संघका अध्यक्ष नविन रिजालले राज्यले बनाएको पोलिसीमा कमजोरी भएको र त्यसलाई सच्याएर अगाडि बढ्न आवश्यक रहेको औल्याए । उद्योगीका समस्या समाधानका लागि किन यति कठिनाई राज्यलाई परिरहेको छ मैले बुझिरहेको छैन रिजालले भने , “उद्योग,धन्दाको वातावरण बन्नेवित्तिकै फाईदा राज्यलाईनै हो ।”
यस्तै नेपाल उद्योग परिसंघ केन्द्रीय उपाध्यक्ष भीम घिमिरेले महिला तथा युवा पुस्तालाई उद्योग व्यवसायमा जोड्ने र उनीहरुलाई सहुलियतरुपमा व्यवसाय सञ्चालनमा सघाउ पुर् याउने व्यवस्था राज्यले गर्नुपर्ने वताए । यस्तै परिसंघ कोशी प्रदेशका अध्यक्ष पवन सारडाले विभिन्न बहानामा उद्योगी,व्यवसायी संग राज्यले आशंका गर्ने गरेको भन्दै दु:ख व्यक्त गरे । उनले भने, “राज्यले त्यो सिस्टम बनाओस् हामीले राज्यलाई तिर्नुपर्ने कर खुसी-खुसी तिर्छौ ।”
यस्तै उद्योग संगठन मोरङका अध्यक्ष राकेश सुरानाले मोरङ व्यापार संघ,उद्योग संगठन मोरङ र नेपाल उद्योग परिसंघ कोशी प्रदेश,उद्योग संगठन मोरङले सम्युक्तरुपमा बनाएको उद्योगीका समस्या लगायतको कार्यपत्र पढेर महानिर्देशक मैनालीलाई सुनाउनका साथै हस्तान्तरण गरेका थिए । कार्यक्रममा विभिन्न क्षेत्रमा आवद्ध उद्योगी व्यवसायीहरुको सहभागिता रहेको थियो ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
