Birat Post आइतबार, मंसिर १०, २०८० मा प्रकाशित
विराटनगर,१० मंसिर । बेलायतमा क्रिकेटका क्षेत्रमा काम गर्दै आएको क्रिकेट विथ आउट बाउन्डरीले विराटनगरका ४ वटा सामुदायिक विद्यालयका छात्रा विद्यार्थी खेलाडीहरूलाई सहयोग गर्ने भएको छ ।
क्रिकेटमा महिला खेलाडी उत्पादन गर्ने उद्देश्यले विराटनगरमा ६ वर्ष देखी काम गर्दै आएको नेपाल क्रिकेट फाउन्डेसनसँगको सहकार्यमा बाउन्डरीले खेलाडीहरूलाई खेल सामाग्री तथा प्रशिक्षण दिने जनाइएको छ । क्रिकेट विथ आउट बाउन्डरीले महिला खेलाडी उत्पादन गर्न दुई वर्ष देखि कोशी प्रदेश र मधेस प्रदेशका केही विद्यालयका विद्यार्थीलाई सहयोग गरिरहेको नेपाल क्रिकेट फाउन्डेसनका अध्यक्ष अभिषेक श्रेष्ठले बताए । विद्यालयहरूमा क्रिकेट खेल्ने वातावरण समेत बनिरहेको उनले बताए ।
विराटनगरका ४ वटा विद्यालयमा फाउन्डेसनले छात्रा क्रिकेट खेलाडी उत्पादन गरिरहेको छ । स्वरस्वति, वालिका, महेन्द्र र सत्यनारायण विद्यालयका बिद्यार्थीहरुलाई प्रशिक्षण तथा प्रोत्साहन गरिरहेको छ । दुई संस्थाले इटहरी, धरान, धनकुटाका केही विद्यालयहरूमा पनि सहयोग गरिरहेका छन् । २ हप्ता सम्म क्रिकेट विथ आउट बाउन्डरीका पदाधिकारी तथा प्रशिक्षकहरूले प्रशिक्षण दिने बताइएको छ ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
