featured photo: Birat Post

काठमाडौं, १९ कात्तिक । नेपाली कांग्रेसको महासमिति बैठक सरेको छ । आज (आईतबार) पार्टी सभापति शेरबहादुर देउवा निवास धुम्बराहीमा बसेको केन्द्रीय कार्यसम्पादन समितिको बैठकले महासमिति बैठक सार्ने निर्णय गरेको हो ।

कांग्रेस सूचना, सञ्चार तथा प्रचार विभाग प्रमुखमा मिनबहादुर विश्वकर्माले महासमिति बैठक आगमी मंसिर २९ देखि पुष २ गते गोदावरीको अन्तराष्ट्रिय सभा हलमा गर्ने निर्णय भएको बताए । यसअघि कांग्रेसले मंसिर १३ र १५ गते महासमिति बैठक बोलाएको थियो ।

भूकम्पका कारण कांग्रेसले तिहारअघिका सबै सार्वजनिक कार्यक्रम स्थगित गरेकाले मंसिर १३ र १५ गतेका लागि निर्धारित महासमिति बैठक प्रभावित बनेको प्रचार विभाग प्रमुख विश्वकर्माले बताए ।

‘हामीले तत्कालै तिहार अगाडि कुनै पनि औपचारिक निर्णय नगर्ने भनिसकेपछि महासमितिसँग जोडिएका थुप्रै कामहरु प्रभावित हुने भयो । तर्सर्थ महासमितिको बैठक मंसिरको १३ र १५ गते गर्ने विगतमा निर्णय भइरहेकोमा अब मंसिरको २९ देखि पुषको २ गतेसम्म गोदावारीको अन्तराष्ट्रिय सभा हलमा गर्ने निर्णय गरेका छौं,’– केन्द्रीय कार्यसम्पादन समिति बैठकको निर्णय सुनाउँदै प्रचार विभाग प्रमुख विश्वकर्माले भने ।

सम्बन्धित

बिर्तामोडमा अन्तराष्ट्रिय औद्योगिक व्यापार महोत्सव, शैक्षिक परामर्शदेखि पर्यटन वर्ष २०८२ को समेत प्रचार

लायन्स क्लव अफ विराटनगर इनोभेटिभद्वारा शैक्षिक सामाग्री वितरण

राष्ट्रिय बहिरा महासंघ कोशी प्रदेशमा सुनिता तिम्सिनाको नेतृत्वमा नयाँ कार्यसमिति चयन

ट्रम्पको आप्रवासन नीति : ६ महिनाभित्रै ३ हजारभन्दा बढी नेपाली मुलुक फर्काइँदै