featured photo: Birat Post

काठमान्डौं,१९ कात्तिक । नेपाली कांग्रेसले महामन्त्रीद्वय गगनकुमार थापा र विश्वप्रकाश शर्मालाई भूकम्प प्रभावित क्षेत्रको अनुगमनमा पठाउने भएको छ । आईतबार बसेको पार्टीको केन्द्रीय कार्यसम्पादन समितिले अति विपन्न, घरबार विहीन र विकल्प नभएका मानिसहरु राहत उद्धार र पुनर्स्थापनाबाट बञ्चित नहुन भन्नका लागि महामन्त्रीद्वयको संयोजकत्वमा ‘अनुगमन तथा सहजीकरण समिति’ बनाएको सूचना, सञ्चार तथा प्रचार विभाग प्रमुखमा मिनबहादुर विश्वकर्माले बताए ।

‘अति विपन्न, घरबार विहीन मानिसहरु जसको विकल्प छैन, उनीहरुमाथि कतै अन्याय हुन्छ कि ? उनीहरुले कतै राहत सामाग्री पाउनबाट, पुनर्बासको व्यवस्थापनमा कतै पक्षपातबाट ओझेलमा पर्छन् कि भन्ने कुराका लागि पनि गम्भीरताको साथ लिएर महामन्त्रीद्वयको संयोजकत्वमा विपद् व्यवस्थापनका सँगै सबै काम गर्ने गरी अनुगमन तथा सहजीकरण समिति निर्माण गर्ने निर्णय भएको विश्वकर्माले जानकारी दिए ।

सम्बन्धित

बिर्तामोडमा अन्तराष्ट्रिय औद्योगिक व्यापार महोत्सव, शैक्षिक परामर्शदेखि पर्यटन वर्ष २०८२ को समेत प्रचार

लायन्स क्लव अफ विराटनगर इनोभेटिभद्वारा शैक्षिक सामाग्री वितरण

राष्ट्रिय बहिरा महासंघ कोशी प्रदेशमा सुनिता तिम्सिनाको नेतृत्वमा नयाँ कार्यसमिति चयन

ट्रम्पको आप्रवासन नीति : ६ महिनाभित्रै ३ हजारभन्दा बढी नेपाली मुलुक फर्काइँदै