Birat Post शनिबार, आश्विन २७, २०८० मा प्रकाशित
विराटनगर,२७ असोज । नैतिकताको आधार देखाउदै नेपाली कांग्रेस कोशी प्रदेश संसदीय दलको नेता उद्धव थापाले पदबाट शनिबार राजीनामा दिएका छन् । विराटनगरमा पत्रकार सम्मेलन गरी उनले पदबाट राजीनामा दिएको जानकारी गराएका हुन् ।
‘मैले पाएको अवसरलाई गुमाएँ, अदालतले मलाई मुख्यमन्त्रीबाट हटायो । त्यतिबेलै मैले राजीनामा दिनुपर्थ्यो’ उनले भने, ‘पछिल्लो समय कोशी प्रदेश सरकार निर्माण प्रक्रियामा भएका विकसित घट्नाक्रमले गर्दा नैतिक रूपमा मैले संसदीय दलको नेताको रुपमा बसिरहन उपयुक्त नभएको महसुस गरें । आजको मितिदेखि लागू हुने गरी मैले नेपाली कांग्रेस कोशी प्रदेश संसदीय दलको नेताको पदबाट राजीनामा दिइएको जानकारी गराउँदै दलको नीति, सिदान्त र आदर्श प्रति प्रतिवद्ध रहँदै आगामी दिनमा क्रियाशील रहिरहने छु ।’
यस संगै कोशी प्रदेशमा संसदीय दलको नेता को बन्ला भन्ने विषयको वहस हुन थालेको छ । यस विषयमा नेपाली कांग्रेसका सचेतक भुपेन्द्र राइ संग जिज्ञासा राख्दा उनले पार्टीको विधि,विधान र वैठकले दिशानिर्देश गरेवमोजिम संसदीय दलको नेता चुनिने बताए ।
यद्यपी यस भन्दा अगाडिनै संसदीय दलको नेता बन्न चुनावको प्रतिस्पर्धामा उत्रेर हार बेहोरेका केदार कार्की शनिबार मात्रै मुख्यमन्त्री भइसकेका छन् । यस्तै अमृत अर्याल सोही समयमा भएको संसदीय दलको चुनावमा हार बेहोरेका थिए । यस संगै कांग्रेसवाट भीम पराजुली ,केदार कार्की र अमृत अर्यालको नाममाथी चर्चा र बहस हुन थालेको छ । यिनै मध्ये एकजना संसदीय दलको नेता चुनिने निश्चित जस्तै छ । यद्यपी हाल राजनितिक कोर्सनै परिवर्तन भएको अवस्थामा भीम पराजुली संसदीय दलको नेता बन्ने सम्भावना बढेर गएको छ । यसका लागि संस्थापन पक्ष भीम पराजुलीलाई अगाडि वढाउनेमा लगभग एकमत देखिएको सम्वन्ध स्रोतको दावी छ ।
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
उपनिर्वाचनका दिन सवारी चलाए २५ हजार जरिवाना
जेनिथ कलेजमा एकदिने अभिमुखीकरण कार्यक्रम सम्पन्न
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
