Birat Post शनिबार, आश्विन २०, २०८० मा प्रकाशित
विराटनगर, २० असोज ।
झापाको विर्तामोडका लगानीकर्तालाई धितोपत्र बजार सम्बन्धी शिक्षा र सचेतना कार्यक्रम आयोजना गरिएको छ । नेपाल धितोपत्र बोर्ड र स्टक ब्रोकर एशोसिएसनको आयोजनामा शुक्रबार धितोपत्र बजार सम्बन्धी सचेतना कार्यक्रम गरिएको हो ।
कार्यक्रममा विर्तामोडका लगानीकर्ताहरूले धितोपत्र बजार सम्बन्धी विभिन्न विषयमा जिज्ञासा राखेका थिए । विषेश गरी हालै राष्ट्रबैंकले निर्णय गरेको व्यक्तिगत लगानीकर्तालाई १५ करोड र संस्थागतलाई २० करोडको शेयर धितो कर्जा सीमाबारे लगानीकर्ताले चासो देखाएका थिए । विगत दुई वर्ष देखि निरन्तर घटिरहेको शेयर बजार राष्ट्रबैंकको पछिल्लो निर्णय पछि सुधारहुनेमा लगानीकर्ता आशावादी देखिएका थिए । तर, यहि कारणले धितोपत्र बजारमा ठूलो उछाल आउने संभावना भने नदेखिएको लगानीकर्ता भवानी चुडालले बताए ।
पछिल्लो १५–२० करोडको क्याप देखाउने दाँत मात्रै भएको टिप्पणी गर्दै शेयर बजारमा राष्ट्रबैंकले लगाएको क्याप पूर्ण रुपमा हटाउन सुझाव दिए । अर्का लगानीकर्ता अनिल खड्काले शेयर बजारमा लगाइएको क्याप राष्ट्रबैंकले खुकुलो पार्दै जानु सकारात्मक भएको बताए । उनले शेयर बजारमा लगाईएको क्याप पूर्ण रुपमा हटाएर लगानीको वातावरण बनाउनु आबश्यक रहेको धारणा राखे ।
कार्यक्रममा लगानीकर्ताहरूले शेयर बजारमा एन्आर एन्को लगानी र नयाँ स्टक एक्सचेन्जका विषयमा पनि जिज्ञासा राखेका थिए । सुमेरु सेक्युरिटिज ब्रोकर नं २९, श्रीहरि सेक्युरिटिज ब्रोकर नं ५६, नेपाल इन्भेष्टमेन्ट सेक्युरिटिज ब्रोकर नं १९, साउथ एशियन बुल्स ब्रोकर नं ४३ र सेकियोर्ड एशियन बुल्स सेक्युरिटिज ब्रोकर नं ३६ ले व्यवस्थापन गरेको कार्यक्रमको सहजीकरण विपिन सापकोटाले गरेका थिए ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
