Birat Post आइतबार, आश्विन ०७, २०८० मा प्रकाशित
विराटनगर,७ असोज । विराटनगरमा दसैँ सडक महोत्सव हुने भएको छ। विराटनगरमा आइतबार पत्रकार सम्मेलन गर्दै महोत्सवका संयोजक जतिन ताम्राकारले सडक महोत्सवमा विभिन्न जातजातिका खानेकुरा, मनोरञ्जनात्मक सांगीतिक कार्यक्रम, बालबालिकाका लागि मनोरञ्जन गतिविधि, चित्रकला लगायत रहने जानकारी दिए।
असोज २८ गतेबाट कार्तिक ४ गतेसम्म हुने महोत्सवमा नेवारी, मारवाडी, राई लिम्बू, राजवंशी लगायतका खानेकुरा परिकार बनाएर विक्री गर्ने उनले बताए। आर्थिक रुपमा विराटनगर शिथिल रहेको बताएका संयोजक ताम्राकारले महानगरदेखि जिल्ला प्रशासन कार्यालयसम्म कार्यक्रमको लागि स्वीकृत लिइसकेको जानकारी दिए।
विराटनगरको महेन्द्र चौकबाट ट्राफिक चौकसम्म हुने सडक महोत्सव सकारात्मक देखिए मासिक रुपमा समेत कार्यक्रम गर्न सकिने गरी महानगरसँग कुरा भएको ताम्राकारको भनाइ छ। सडक महोत्वसमा २० देखि २५ वटा नयाँ तरिकाको स्टल रहने बताएका ताम्राकारले खानपानसंगै हस्तकलाका सामाग्री समेत उपलब्ध हुने जानकारी दिए।
सडक महोत्सवको चौथो संस्करणमा आयोजक भाजु युवराज फाउण्डेसन र मन्जिना मुभिज छन्। आयोजक पक्षले कार्यक्रमका लागि करिब २५ लाख रुपैया खर्च हुने जनाएको छ।
शिक्षकहरु अब कक्षा १२ को परीक्षामा पनि सहभागी नहुने,देशभरका सबै विद्यालय अनिश्चितकालीन बन्द रहने
नेकपा एमाले विराटनगरको दोस्रो अधिवेशन हुँदै, उप-सचिवमा कला डाँगीको सम्भावना
कांग्रेसले विवेकपूर्ण निर्णय लिने बेला भो : डा.शेखर कोइराला
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
