featured photo: Birat Post

काठमान्डौं,२५ भदौ । राष्ट्रिय प्रजातन्त्र पार्टीका प्रवक्ता ज्ञानेन्द्र शाहीले सरकारलाई आन्दोलन कसरी गर्नुपर्छ भन्ने देखाउने चेतावनी दिएका छन् । आज पार्टी कार्यालयमा आयोजित पत्रकार सम्मेलनमा प्रवक्ता शाहीले राष्ट्रियताको सवालमा एक भएर आन्दोलन गर्ने चेतावनी दिएका हुन् ।

‘प्रधानमन्त्रीलाई चुनौती दिन चाहान्छु, अब तपाईका आन्दोलन गर्ने दिन गए जनताले प्रधानमन्त्री बनाएको हो जनताको काम गरौं, जनताको काम गर्न सकेन भने घरमा गएर बसौं किन भने धेरै फुर फुर नगरौं आन्दोलन कसरी गर्नुपर्छ भन्ने कुरा हामीले देखाउछौँ ।’ उनले भने, ‘राष्ट्रवादी शक्तिले देखाउँछ । राष्ट्रियताको सवालमा हामी एकजुट छौँ ।’

बालुवाटार जग्गा प्रकरणमा पूर्वप्रधानमन्त्रीद्वय माधव कुमार नेपाल र बाबुराम भट्राईलाई कारबाही नभए कडा आन्दोलन थाल्ने प्रवक्ता शाहीको चेतावनी छ । ‘बालुवाटारको जमिन प्रकरणमा पूर्व प्रधानमन्त्री माधव कुमार नेपाल र बाबुराम भट्टराईलाई प्रक्राउ गर्ने आन्दोलन हुन्छ, आन्दोलन २७ गतेबाट सुरु हुन्छ । यो हाम्रो प्रधानमन्त्रीलाई खुला चुनौती हो । जब नेताहरुको नाम आउँछ त्यो प्रकरण सेलाएर जान्छ, हाम्रो आन्दालन यस्तै भ्रष्टचारका विरुद्धमा हो ।’

प्रवक्ता शाहीले आफ्नो आफूहरुको आस्थामाथि पटक पटक खेलबाड भएको भन्दै आक्रोश पोखे । ‘हाम्रो आस्थाको कुरालाई आँच आउने कुरा गरे अतिवादी नहुुने तर जसले यस्तो काम नगरन् भनेको छ त्यो चाँही अतिवादी हो । हाम्रो संस्कृतिलाई प्रभाव पार्ने नै अतिवादी र आतंकवादी पनि हुन् उनीहरुलाई ठिक कसरी गर्ने त्यो हामीलाई थाहा छ ।’ उनले भने ।

संविधानमा गाई मार्‍याे भने तीन वर्षको सजाय भएपनि गृहमन्त्री जात्रा हेरेर डलर खाएर बसेको उनको आरोप छ ।