featured photo: Birat Post

विराटनगर,२३ भदौ । दाहाल प्रतिष्ठान केन्द्रीय समिति अन्तर्गत स्थापित विभिन्न कोषबाट तीन सञ्चारकर्मीसहित विभिन्न संस्था सम्मानित भएका छन । दाहाल प्रतिष्ठान विराटनगरले शनिबार विशेष समारोहको आयोजना गरेर पत्रकारिता क्षेत्रमा दुई दशकभन्दा लामो समयदेखि सकृय पत्रकार शंकर खरेललाई २५ हजार ५ सय ५५ राशिको श्रीनारायण, श्रीप्रसाद–दिब्यराज दाहाल पत्रकारिता सम्मान
यस्तै उदघोष दैनिकका समाचार सम्पादक एवं बीबीसी नेपाली सेवाका संवाददाता विक्रम निरौलालाइ विद्यादेवी, बाबुराम, सरस्वती दाहाल सेवा कोष पुरस्कार दिइएको हो । पुरस्कारको राशी नगद १५ हजार रहेको छ । यस्तै पत्रकार मीनकुमार नवोदित र साहित्यकार सविता गौतम दाहाललाई सम्मानित भएका छन ।
प्रतिष्ठानले विभिन्न धार्मिक संघसंस्था, समाजसेवीहरूलाई पनि सम्मान गरेको छ ।सो अवसरमा राधारमण मन्दिर विराटनगरलाई ६ लाख ११ हजार रुपैयाँ नगदसहित सम्मानित गरिएको छ । यस्तै बराहदर्शन फाउण्डेशनलाई २ लाख ८२ हजार रुपैयाँ नगद राशीसहित सम्मानित गरिएको छ । यस्तै धार्मिक अगुवा पुण्यप्रसाद दाहाल, गृहिणी अञ्जु दाहाल रेग्मी, रञ्जीतकुमार राजवंशी र स्वामी दीनबन्धु शास्त्रीलाइ पनि सम्मान गरियो । दाहाल प्रतिष्ठान केन्द्रिय अध्यक्ष दुर्गाप्रसाद दाहाल, निवर्तमान अध्यक्ष शालिग्राम दाहाल र पुरस्कारका लागि अक्षयकोष स्थापना गर्ने परिवारका सदस्यहरूले नगद राशी र सम्मानपत्र प्रदान गरेका थिए । कार्यक्रममा तिजको दरसमेत खुवाइएको थियो ।