featured photo: Birat Post

विराटनगर,२९ साउन ।

बागेश्वरधाम सरकारका नामले परिचित हनुमानजीका अनन्य भक्त धीरेन्द्र शास्त्री नेपाल आउने हुनुभएको छ । धीरेन्द्र शास्त्री एक चमत्कारिक प्रतिभा भएका युवा हुनुहुन्छ । जो २६ बर्षको उमेरमा लाखौंको मनमा ठाउँ लिन सफल हुनु भएको छ । यही भदौ २, ३ र ४ गते नवलपरासीको साश्वत धाममा हनुमान चरित्र र राम कथा बाचनका लागि तयारी गरिएको छ ।

१६ औं शताब्दीमा कवि तुलसी दासले हनुमानलाई समर्पण गरेर हनुमान चालिसा लेख्नु भएको थियो । भनिन्छ, तुलसी दास त्यतिबेला जेलमा हुनुहुन्थ्यो, हनुमानजीलाई सशरीर भेटेपछि हनुमान चालिसा लेखेको र उक्त भेटमा हनुमानजीले आफू हरेक युगमा हुने र कलियुगमा मानिसको शरीरमा हुने बताउनु भएको बिभिन्न धार्मिक दस्ताबेजमा उल्लेख छ ।

हनुमान चालिसा बिश्व प्रसिद्ध छ । सन २०१६ मा अमेरिकाका तात्कालिन राष्ट्रपति बाराक ओबामाले हनुमान चालिसाको सानो किताब साथमा राख्ने गर्नु भएको भनी मिडियामा ब्यापक चर्चाको बिषय बनेको थियो । बिभिन्न भारतीय मिडियाले यो कुरालाई महत्वपूर्ण स्थान दिएर प्रचार प्रसार गरेपछि तथ्य जाँच (फ्क्याक्ट चेकिङ्ग) गर्ने संस्थाहरुले केलाउँदा ओबामाले हनुमान चालिसा होइन हनुमानजीको सानो प्रतिमा लिएर हिड्ने गरेको सत्य भएको पत्ता लागेको थियो ।

सन २०१६ को जनवरी १६ मा राष्ट्रपति ओवामाले दिनु भएको एउटा भिडियो अन्तवार्तामा ‘म अन्धबिश्वासी होइन तर म हनुमान र बुद्धको प्रतिमा साथमा राख्छु, जब म थकित र हतोत्साही महसुश गर्छु त्यस्तो बेलामा म पकेटमा भएको हनुमानको प्रतिमा हेर्छु र ‘ओभर कम’ हुन्छु’ भन्दै साथमा रहेको पित्तलको झैं लाग्ने हनुमानजीको सानो प्रतिमा देखाउनु भएको छ ।

उक्त भिडियो क्लिप अहिलेपनि इन्डिया टुडेको अर्काइभमा भेट्न सकिन्छ । धीरेन्द्र शास्त्रीले आफूले जे गरिरहेको, भनिरहेको छु त्यो सबै हनुमानजीका कारण भएको भन्दै आउनु भएको छ । शास्त्रीलाई भेट्न कैंयौं नेपालीहरु भारतको मध्यप्रदेशमा रहेको बागेश्वरधाम पुग्ने गरेका छन । हिन्दु मात्र नभई बिभिन्न धर्मावलम्बीहरुले हनुमानजीलाई श्रद्धाभावका साथ हेर्ने गर्छन ।

सम्बन्धित

आश्विन शुक्ल अष्टमी र नवमी पर्व आज मनाइदै

यस वर्षको मनसुन बाहिरिदै,दसैँ घमाइलो हुने सम्भावना

आश्विन शुक्ल पञ्चमी : स्कन्दमाताको पूजा आराधना गरिँदै

बडादशैँ शुरु, यस्तो छ घटस्थापनाको शुभ साइत