Birat Post शुक्रबार, आषाढ २२, २०८० मा प्रकाशित
काठमान्डौं,२२ असार । पार्टीको १४औं महाधिवेशनपछि नेपाली कांग्रेसले पहिलोपटक बोलाएको जिल्ला सभापतिहरुको दुई दिने भेला सम्पन्न भएको छ ।
कांग्रेस केन्द्रीय कार्यालयको आयोजनामा बिहीबार र शुक्रबार आयोजित जिल्ला सभापतिहरुको दुई दिने भेला ४बुँदे आन्तरिक प्रतिवद्धता पारित गर्दै सम्पन्न भएको हो ।
शुक्रबारको बैठकमा जिल्ला सभापतिहरु- योगेन्द्र पञ्जियार (धनुषा), रुपनारायण जवेगु(पाँचथर), दिनेश राई (धनकुटा), विष्णुकुमार राई (खोटाङ), किशोरदत्त बराल (कास्की), केदार भण्डारी (सुनसरी), राजेश्वर खनाल (चितवन), केशबहादुर विष्ट (सल्यान), नागेश्वर यादव (महोत्तरी), अरुणप्रकाश सिंह राठौर (वर्दिया) र रमेशकुमार महत(नुवाकोट)ले आ–आफ्नो धारणा राखेका थिए ।
यस्तै, जिल्ला सभापति कारणवस अनुपस्थित रहेका जिल्लाका हकमा का.वा. सभापति झपेन्द्र गैरे (पाल्पा), उपसभापतिबीरबहादुर विष्ट (बैतडी), जिल्ला सचिवहरु- बालदीप कँडेल (सुर्खेत), अजय लुइटेल (ओखलढुंगा), केशवराजमिश्र(कैलाली), गुप्तनिधिशर्मा (पर्वत), माधवप्रसाद ढकाल (काभ्रे), प्रतिनिधिहरु- मुकेश सिंह (बारा) र निर्मला खड्का (भोजपुर) ले आ–आफ्नो धारणा राखेका थिए ।
बैठकको अन्त्यमा, पार्टीका महामन्त्रीद्वय– गगनकुमार थापा र विश्वप्रकाश शर्माले बैठकबाट आएका सुझावहरुलाई पार्टी तहमा छलफल गरी आवश्यकताअनुसार आगामी केन्द्रीय कार्यसमितिको बैठकमा प्रस्तुत गर्ने प्रतिवद्धता व्यक्त गरेका छन् ।
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
उपनिर्वाचनका दिन सवारी चलाए २५ हजार जरिवाना
जेनिथ कलेजमा एकदिने अभिमुखीकरण कार्यक्रम सम्पन्न
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
