Birat Post बिहिबार, जेठ ०४, २०८० मा प्रकाशित
काठमान्डौं,४ बैशाख । प्रधानमन्त्री पुष्पकमल दाहाल प्रचण्डले नागरिकता विधेयकको बारेमा राष्ट्रपतिबाट सरोकारवाला पक्षहरुसंग छलफल भइरहेको बताएका छन् ।
प्रतिनिधिसभाको बिहीबारको बैठकमा जनता समाजवादी पार्टीका सांसद दीपक
कार्कीले उठाएको प्रश्नको जवाफ दिँदै प्रधानमन्त्री प्रचण्डले नागरिकता विधेयक अहिले राष्ट्रपति कार्यालयमा ‘होल्ड’मा रहेको बताएका हुन् । राष्ट्रपतिले विधेयकबारे सरोकारवाला पक्षसंग छलफल चलाइरहेको उल्लेख गर्दै उनले विधेयकको प्रमाणीकरण संवैधानिक बाध्यता मात्र भएको बताए ।
प्रधानमन्त्री प्रचण्डले भने, ‘दोस्रो पटक तत्कालीन राष्ट्रपति ज्युले न त्यसलाई खारेज गरियो ,न त्यसलाई फेरि फिर्ता पठाउने प्रावधान थियो । न त्यसलाई अरु केही गर्न सकिने स्थिति नै थियो । प्रमाणीकरण गर्नुपर्ने संवैधानिक बाध्यता मात्रै थियो । संविधानले कहि कतै ठाँउ दिएको थिएन । तर राष्ट्रपति कार्यलयले त्यसलाई होल्डमा राखेको स्थिति छ । न फिर्ता न खारेज न अरु कुनै बाटो, त्यो होल्डमा छ राष्ट्रपति कार्यालयमै ।’
अव नयाँ सदन र नयाँ राष्ट्रपतिले होल्डमा रहेको विद्येयकलाई प्रमाणीकरण गर्ने या अरु कुनै बाटो छ भन्नेमा संविधानविद्, कानूनविद् राजनीतज्ञहरुसंग छलफल चलिरहेको उनको भनाई छ ।
जसपाका सांसद कार्कीले नागरिकतासँग सम्बन्धित प्रश्न गर्दै जन्मसिद्ध नागरिकता प्राप्त गरेका सन्तानले कहिलेसम्म वंशजको नागरिकता प्राप्त गर्ने हो र वंशजको नागरिकता प्राप्त गरेकाले जन्मसिद्ध नागरिकता प्राप्त गरेको भन्दै नागरिकता विहीन भएका नागरिकले कहिलेसम्म नागरिकता प्राप्त गर्छन् भन्दै प्रश्न गरेका थिए ।
विराट एक्स्पोमा व्यवसायीक सहकार्यकालागि विराट बजार विटुवि पेभिलियनको व्यवस्था
भारत उत्तर प्रदेशको प्रयागराजस्थित त्रिवेणी संगममा महाकुम्भ,धर्मानुरागीको भिड
स्वस्थानीको कथा सुन्ने र सुनाउने चलन,धर्मप्रतिको जनविश्वास अझ बढ्दो
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
