Birat Post मंगलबार, जेठ ०२, २०८० मा प्रकाशित
काठमान्डौं,२ जेठ । नेपाली कांग्रेसका संस्थापन इतर असन्तुष्ट समूहले देशैभर अलग्गै भेला गर्ने भएका छन् । संस्थापन पक्षको गतिविधिप्रति असन्तुष्ट जनाउँदै उनीहरुले ‘रुपान्तरण अभियान’ अन्तर्गत देशैभर अलग भेला गर्ने भएका हुन् । कांग्रेस नेतृत्वको सरकारले नेपाली समाजको रुपान्तरण अभियानमा अपेक्षित सफलता पाउन नसकेपछि अभियानकर्ताहरु राष्ट्रिय अभियानमा जुटेका हुन् ।
काठमाडौंमा आयोजित पत्रकार सम्मेलनमा मधु आचार्य, गुरुराज घिमिरे, रञ्जित कर्ण लगायतका नेताहरुले सो अलग्गै अभियानको घोषणा गरेका हुन् । जसअनुसार जनकपुरवाट सुरु प्रदेश स्तरीय बैठक र भेला २९ जेठमा इटहरीमा पुगेर सकिने छ ।
सात दशक लामो यात्रा पार गर्दै अघि बढेको नेपाली कांग्रेसका कमी कमजोरीहरुबाट फाईदा उठाएर देशको राजनीतिमा अहिले उग्रबामपन्थी र दक्षिणपन्थी शक्तिहरुको उदय भएको कांग्रेस अभियानकर्ताहरु बताउँछन् । नेपाली कांग्रेसको ‘चाल, चरित्र र पहिचानलाई’ परिवर्तन नगरी कांग्रेस रुपान्तरणको सम्भावना नदेखेका अभियानकर्ताहरुले वर्तमान चाल अर्थात् निर्णय प्रक्रिया, गतिविधी, वैचारिक यात्रा र सांगठनिक क्षमता एवं योग्यतामा सुस्तता र विराम लागेको र कांग्रेस भित्रै गैर–कांग्रेसीको प्रवेश गरेको ठम्याई रहेको छ ।
आज घोषित कार्यक्रम अनुसार जेठ ११ गते जनकपुरमा मधेस प्रदेशको भेला हुनेछ भने बाग्मती प्रदेशको भेला जेठ १६ गते काठमाडौंमा हुनेछ । साथै गण्डकी प्रदेशको २० गते पोखरामा, लुम्बिनी प्रदेशको जेठ २२ गते दाङमा, कर्णाली प्रदेशका २४ गते सुर्खेतमा, सुदुरपश्चिम प्रदेशको भेला जेठ २६ गते धनगढीमा र कोशी प्रदेशको भेला २९ गते जेठमा हुनेछ । कांग्रेसलाई रुपान्तरण गर्नका लागि सो भेला आयोजना गर्न लागेको जनाइएको छ ।
प्रसाईँलाई थप ५ दिन हिरासतमा राखेर अनुसन्धान गर्न अदालतको अनुमति
उपनिर्वाचनका दिन सवारी चलाए २५ हजार जरिवाना
जेनिथ कलेजमा एकदिने अभिमुखीकरण कार्यक्रम सम्पन्न
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
