विराटनगर,१७ बैशाख ।
मानिसले आफुलाई रुपान्तरण गरेर समाजका लागि योगदान दिन सक्छ । समयचक्रले मानिसलाई गलत वाटोमा डोहर्याए पनि अन्तत मानिसले सर्वोच्चता हासिल गर्न सक्छ । यस्तै पात्र हुन् अभिषेक गिरी । जसले विपन्न विद्यार्थीहरुलाई शैक्षिक सामाग्री वितरण गरेका छन् । गिरीले विराटनगर महानगरपालिका १६ मा अवस्थित विपन्न समुदायका बालबालिकाहरु अध्ययन गर्ने पाथिभरा जनता अध्ययन केन्द्रका विपन्न बालबाबिकाहरुलाई कपडा तथा शैक्षिक सामाग्री वितरण गरेका हुन् ।
गिरीले विद्यालयमा अध्ययनरत ३० जना बालबालिकालाई स्कुल ब्याग एक एक थान ,कलम, कापी, पेन्सिल , खाजाका लागि चाचाउ, बिष्कुट लगायतका सामाग्री वितरण गरेका थिए । विपन्न समुदायका सबै बालबालिकाहरु शिक्षाको पहुँच सम्म पुगेका छैनन्, उनीहरुलाई शैक्षिक क्षेत्रमा सहजता प्रदान गर्नका लागि कपडा र शैक्षिक सामाग्रि प्रदान गरिएको गिरीले बताए । अव समाजसेवामा लागेर जीवन विताउने घोषणा गरेका उनी सामाजिक क्षेत्रमा क्रियाशिल देखिएका छन् ।