विराटनगर,२५ चैत ।
एक सय बर्ष सम्म मानिसहरु विरलै बाच्ने गर्दछन् । यसमा पनि १ सय वर्ष पार गरेर पनि यस धराधाममा रहिरहन कठिननै छ । यद्यपी केही मानिसहरुले यो रेकर्ड कायम गर्न सफल पनि छन् । यस्तै विराटनगरका शताब्दी पुरूष तथा सामाजिक व्याक्तित्व नारायण प्रसाद रेग्मीको १०४ बर्षको उमेरमा विराटनगरमा निधन भएको छ ।
शनिबार साझ ४: ३० बजे निधन भएको उनका परिवारजनले पुष्टि गरेका छन् । उनको भोली आइतबार विहान ७ :३० बजे विराटनगर स्थित परोपकार घाटमा दाहसस्कार गरिने छोरा ब्यास रेग्मीले जानकारी दिए । पिपलचोकमा लामो समय कुटानी पिसानी गर्ने मिल चलाएरका कारण एकताका उनी निकै चर्चित पनि थिए ।