Birat Post बुधबार, चैत्र ०८, २०७९ मा प्रकाशित
न्युयोर्क, अमेरिका । नेपालको प्रजातान्त्रिक आन्दोलनका अग्रणी नेता गिरिजाप्रसाद कोइरालाको १३औँ स्मृति दिवसका अवसरमा जी.पी फाउन्डेसन अमेरिका च्याप्टरले दीप प्रज्वलन र तस्बिरमा माल्यार्पण गरी मनाइएको छ ।
तत्कालीन दशवर्षे सशस्त्र द्वन्द्वको अन्त्यका लागि गरिएको शान्ति सम्झौता र त्यसपछिको संविधानसभा निर्वाचनबाट मात्र सम्भव भएको थियो । जसमा स्वर्गीय कोइरालाले महत्त्वपूर्ण भूमिका निर्वाह गरेका थिए । कोइरालालाई बृहत्त शान्ति सम्झौताका एक हस्ताक्षरकर्ताका रुपमा पनि चिनिन्छ । २०६६ साल चैत ७ गते गिरिजाप्रसाद कोइरालाको निधन भएको हो ।
स्मृति सभामा फाउन्डेसनका उपाध्यक्ष सुवर्ण लामा, महासचिव छिरिङ राप्के लामा, प्रवक्ता एवं कार्यसमिति सदस्य रामचन्द्र अधिकारी, कांग्रेस युवा नेता विजय थुलुङ, समाजसेवी निमा तामाङ, डोमा शेर्पालगायतको उपस्थिति रहेको थियो ।
सो अवसरमा स्व गिरिजाप्रसादले नेपाली राजनीतिमा दिएका ऐतिहासिक योगदान र शान्ति प्रक्रिया एवं समसामयिक राजनैतिक परिवेशको बारेमा स्मरण गर्दै दीप प्रज्वलन गरिएको थियो ।
नेपालमा राणा शासनदेखि पञ्चायती व्यवस्थाविरुद्ध संघर्ष गर्दै गणतन्त्र स्थापना गर्दासम्म आफ्नो सारा जीवन देश, जनता र क्रान्तिको लागि समर्पित गरेका नेता कोइराला एक अद्वितीय राजनीतिज्ञ भएको कुरा फाउन्डेसनका उपाध्यक्ष सुवर्ण लामाले बताए ।
यसैगरी महासचिव छिरिङ राप्के लामाले गिरिजाबाबु क्रान्तिनायक र शान्तिनायक दुवैमा स्थापित भएको बताए । युवा नेता विजय थुलुङले उनी साँच्चिकै नोबेल शान्ति पुरस्कारको हकदाता रहेको र विश्वमञ्चमा उचित लविङ र प्रचारको कमीले सो उपाधि गुमेको कुरा बताए ।
प्रवक्ता अधिकारीले अहिले नेपालले उनीजस्तो राष्ट्रभक्त र निडर एवं निर्णयात्मक क्षमताको धनी नेता गुमाएको परिवेशमा कुशल राजनेताको अभावमा गणतन्त्र नै कतै खतराको मार्गमा लम्किएको त छैन भनी चिन्ता जाहेर गरे ।
अन्त्यमा महासचिव छिरिङ राप्के लामाले देशले अहिले गिरिजाबाबुले स्थापित गराएको सहमति, सहकार्य र एकताको पथबाट अघि बढ्न नसक्दा गणतन्त्र नै धर्मराएको आफूले महसुस गरेको भन्दै गिरिजा बाबुको १३औँ स्मृति दिवस जिपी फाउन्डेसन अमेरिकाको कार्यालयमा नै कार्यक्रम गरेर सम्झन पाउँदा खुसी लागेको भन्दै उपस्थित सबैलाई धन्यवाद व्यक्त गरे ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
