Birat Post सोमबार, फाल्गुण ०१, २०७९ मा प्रकाशित
झापा ,२९ माघ । ‘राष्ट्र, राष्ट्रियता, धर्म, संस्कृति तथा नागरिक बचाऔं’ नाम दिइएको दुर्गा प्रसाईंको महाअभियान पूर्वराजा ज्ञानेन्द्र शाहले उद्घाटन गरेका छन्।
सोमबार झापाको काँकरभिट्टामा आयोजित एक कार्यक्रमबीच पूर्वराजा शाहले उक्त महाअभियान उद्घाटन गरेका हुन्। बीएण्डसी अस्पतालका सञ्चालकसमेत रहेका प्रसाईंले आयोजना गरेको कार्यक्रममा पूर्वराजा शाह आफ्नो परिवारसहित आएका हुन्।
पूर्वराजा शाहले शान्तिका प्रतीक सेता परेवाको जोडीसमेत उडाए। उद्घाटनमा केहीबेर बसेर पूर्वराजा शाहसहित उनको परिवारका सदस्यहरु कार्यक्रमस्थलबाट बाहिरिएका थिए।
पूर्वराजा शाहले कार्यक्रममा उपस्थित सर्वसाधारणलाई हात हल्लाएर अभिवादन फर्काए पनि सम्बोधन भने गरेनन्। पूर्वराजा शाह कार्यक्रमस्थलबाट हिँड्नेबित्तिकै महाअभियानका संयोजक प्रसाईंले उद्घाटन समारोहलाई सम्बोधन गरे।
उनले संघीयता र गणतन्त्रविरोधी अभिव्यक्ति दिएका थिए। उनले भने, ‘एक करोड नेपालीलाई खाडी मुलुक पठाउने यस्तो गणतन्त्र हामीले कल्पना गरेका थिएनौँ। यस्तो गणतन्त्र किन चाहियोरु’
उनले सनातन धर्मको रक्षाका लागि अभियान थालिएको बताए। प्रसाईं सत्ता साझेदार दल नेकपा एमालेका केन्द्रीय सदस्यसमेत हुन्।
बचतकर्ताको डुबेको रकम फिर्ता गर्न अध्यादेश ल्याउँदै सरकार
एमालेको सचिवालय बैठक आज बस्दै
सरकारविरुद्ध सडकमा जाने तयारीमा राप्रपा
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
