स्वस्तिका पोखरेल मंगलबार, माघ १७, २०७९ मा प्रकाशित
विराटनगर,१७ माघ ।
विराटनगरमा हुन लागेको सीएनआई कोसी एक्स्पो–२०७९ का लागि भन्दै आर्थिक सहयोगका लागि पुगेको एक उद्योगी नेताले स्थानिय पालिका प्रमुख र कार्यालयका हाकिमलाई थर्काएको रहस्य सार्वजनिक भएको छ । विभिन्न पालिकाहरुमा उत्साहजनक प्रवद्धक भइदिनका लागि पुगेका उद्योगीका नेता आक्रामक ढंगले प्रस्तुत भएको विषय अहिले बजार तातेको छ । एक कान,दुइ कान, मैदान हुदै उद्योगी वीचमै यस विषयमा बहस भइरहेको छ ।
कटहरी गाउँपालिका प्रमुख र त्यहाँका कार्यालय प्रमुख संग उद्योगी भीम घिमिरेको भनाभन भएको बताइएको छ । घिमिरेले एमालेको सरकार रहेको र कार्यालय प्रमुखको सरुवा समेत गरेर दु:ख दिने जस्ता कुरा गरेको बताइन्छ । कटहरी गाउँपालिकाका प्रमुखको कार्यकक्षमा भनाभन भएको र जबरजस्ती गर्न खोजेपछी गाउँपालिकाले कुनै हालतमा सहयोग नगर्ने भन्दै पठाएको थियो ।
विश्वस्त समाचार स्रोतका अनुसार प्रमुख देवराज चौधरीले सीएनआई कोसी एक्स्पो–२०७९ लाई गाउँपालिकाको तर्फबाट कुनै सहयोग नगर्ने अडान लिएका थिए । हप्काएर पैसा लिने दाउँ रहेछ त्यस्तो कुरा कसलाई पाच्य हुन्छ ? एक जनप्रतिनिधिले भने । त्यस दिन घिमिरेको प्रस्तुतीले आफुहरु छक्क परेको ती जनप्रतिनिधिले बताए । माघ १९ देखि विराटनगरमा हुन लागेको सीएनआई कोसी एक्स्पो–२०७९ को तयारी अन्तिम चरणमा पुग्दा यस्तो रहश्य सार्वजनिक भएको हो ।
घटना केही दिन अगाडिको होे । यसलाई गाउँपालिकाले गोप्य राख्न खोजेपनि त्यहाँ पुगेका सेवाग्राहीले उक्त घटनाको फेहरिस्त बजारमा ल्याएका छन् । उक्त मेलाका लागि विराटनगर महानगरपालिकासहित औधोगिक करिडोरभित्रका बुढीगंगा गाउँपालिका, रंगेली नगरपालिका र सुनसरीको दुहबी नगरपालिकाले उत्साहजनक प्रवद्र्धककारुपमा सहयोग गरेका छन् ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
