featured photo: Birat Post

विराटनगर, १५ माघ ।

भारतको ७४ औं गणतन्त्र दिवसको उपलक्षमा नेपाल भारत मैत्री समाजले मोरङको जहदा –५ मझारे स्थित हनुमान आधारभूत विद्यालयमा नि:शुल्क होमियोपैथिक स्वास्थ्य शिविर आयोजना गरेको छ । माहेश्वरी समाज (महेश हामियो दातव्य औशधालय)को सहकार्यमा शुक्रबार आयोजित शिविरमा १ सय ६५ जनाको स्वास्थ्य परिक्षण गरिएको थियो ।

शिविरमा स्वास्थ्य परिक्षण गरिएका विरामीहरूलाई नि:शुल्क औषधिसमेत बितरण गरिएको नेपाल भारत मैत्रीसमाजले जनाएको छ । कार्यक्रममा जहदा गाउँपालिकाका अध्यक्ष जितेन्द्र साह, समाजका संस्थापक अध्यक्ष भिखमचन्द सरल नेपाल भारतमैत्री समाजका अध्यक्ष किरण आचार्य,बरिष्ठ उपाध्यक्ष वेनीगोपाल मुण्दडा, कोषाध्यक्ष घनश्याम राठी, समाजसेवीहरू तथा स्थानिय वासीको उपस्थिति थियो ।