विराटनगर ,२५ कात्तिक।
मोरङ क्षेत्र नम्बर ४ प्रदेश सभा सदस्यका उम्मेदवार भीम पराजुलीको घरदैलो अभियान तिव्ररुपमा अगाडि बढेको छ । जसमा कांग्रेसका बरिष्ठ नेताहरु देखी स्थानियमा प्रभाव राख्ने नेताहरु सक्रियरुपमा सहभागी बन्न थालेका छन् ।
अभियानमा नेपाली कांग्रेसका नेता महेश आचार्य लोकतान्त्रिक बाम गठबन्धनका उम्मेदवार जिताउन लागिपरेका छन् । पार्टीले गरेको निर्णयलाई सवैले आत्मसाथ गरेर गठबन्धनका उम्मेदवार जिताउन भन्दै उनि क्षेत्रका विभिन्न कार्यक्रममा सहभागी भएका देखिन्छन् ।
प्रतिनिधिसभाका उम्मेदवार अमनलाल मोदी, प्रदेशसभा- १ मा गुरुराज घिमिरे र -२ मा भीम पराजुलीको घरदैलो अभियानमा आचार्यले मत माग्दै उम्मेदवारहरूसँग हिड्न थालेका हुन् ।
क्षेत्र नं. ४ बाट प्रतिनिधिसभा सदस्य टिकटको दाबेदार मानिएका आचार्य सत्तारुढ गठबन्धनमा भागबण्डा हुँदा मोरङ क्षेत्र नम्बर ४ माओवादी केन्द्रले पायो । यद्यपी उनले पार्टीको निर्णयलाई आत्मसाथ गर्दै उम्मेदवार जिताउन लागि पर्ने बताएका छन् ।
लोकतन्त्र र संविधानको रक्षाका लागि गठबन्धन आवश्यक रहेको र उम्मेदवारहरुलाई बिजयी गराउन उनले आग्रह गरे ।केही असन्तुष्टिहरु पनि होलान् तर यो बेला देखाउने होइन आचार्यले भने ,”उम्मेदवार जिताउ र जिताए पछि खोजौ ,त्यो अधिकार हामी सवैलाई छ ।”