Birat Post आइतबार, भाद्र १२, २०७९ मा प्रकाशित
विराटनगर,१२ भदौ ।
बलपूर्वक वेपत्ता पारिएका पीडितहरूको कथा उस्तै छ । सरकारले जे आश्वासन दिए पनि ति पूरा नहनेमा बेपत्ता पारिएका परिवारहरु पुगिसकेका छन् । यसै सन्दर्भमा बलपूर्वक वेपत्ता पारिएका पीडितहरूको १२ औं अन्तराष्ट्रिय दिवसका अवसरमा विराटनगरमा छलफल तथा अन्तक्र्रिया कार्यक्रमको आयोजना गरिएको छ । अनौपचारिक क्षेत्र सेवा केन्द्र इन्सेक लगायत विभिन्न संघ संस्थाले संयुक्त रुपमा कार्यक्रम आयोजना गरेका हुन् ।
कार्यक्रममा सहभागि वेपत्ता परिवारका सदस्यहरूले आफूहरूले वेवत्ताभएका सदस्यहरूको अवस्था सार्वजनिक गर्न वर्षौंदेखि मागगर्दै आएपनि अझै सुनुवाइ नभएको गुनासो गरे । उनिहरूले राज्यले आफ्ना माग सुनुवाई मात्रै नगरेको नभई आफूहरूलाई सरकारी सेवा सुविधामा सहजीकरण र सम्मान समेत नगरेको गुनासो गरे ।
वेपत्ता परिवारकी देवीमुखियाले स्थानिय सरकारले सबैलाई खोजीगर्ने तर, वेपत्ता परिवारलाई कहिलै खोजी नगरेको बताइन् । उनले भनिन् ‘गाउँपालिका÷नगरपालिकाले सबैलाई बोलाउँछ । तर, वेपत्ता परिवारको खोजीनीति नै गर्दैन ।’ कार्यक्रममा वेपत्तापरिवार समाज नेपालका अध्यक्ष रुपेश शाहले संक्रमणकालिन न्याय सम्बन्धीकानुन संसोधनगर्न बनेको विधेयक संसदमा अझै टेवुल नभएको गुनासो गरे ।
प्रदेश १ उपसभामुख सरस्वती पोखरेलले वेपत्ता परिवारले कि सास देउ की लास देउ भनिरेको अवस्थामा उनिहरूको माग पुरा गर्न कठिन भइरहेको बताइन् । ‘वेपत्ता परिवारले वेपत्तापारिएक व्यक्तिहरूको अवस्था सार्वजनिक गर्न दबाब दिइरहे पनि उहाँहरूको माग सम्बोधनगर्न त्यति सजिलो छैन ।’ यद्यपी संघीय सरकार र प्रदेश सरकारले वेपत्ता तथा शहीद परिवाको उचित माग सम्बोधनका लागि प्रयास गरिरहेको बताइन् ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
