Birat Post सोमबार, जेठ १६, २०७९ मा प्रकाशित
विराटनगर,१६ जेठ ।
रिसिबी साध्नलाई कारवाही सिफारिस गरिएको भन्दै नेपाली कांग्रेस केन्द्रीय सदस्य डा.डिला संग्रौला विरुद्ध विराटनगर- ११ का कांग्रेस क्रियाशीलहरु विरोधमा उत्रेका छन् । सोमबार एक प्रेस विज्ञप्ति जारी गर्दै १ सय २३ क्रियाशील सदस्यहरुले कारवाहीका नाममा गरिएको निर्णयले लामो समयदेखी पार्टीमा काम गर्नेहरुको मानमर्दन भएको आरोप लगाएका छन् । उनिहरुले चोरबाटो प्रयोग गर्दै क्रियाशील सदस्य तथा नेतामाथी गरेको कारबाही गैरजिम्मेबारपूर्ण ब्यवहार भएको बताएका छन् । उनीहरुले विज्ञप्ति जारी गरी नेपाली काग्रेस नगर,क्षेत्र र जिल्ला पार्टी कार्यालयमा बोधार्थ समेत बुझाएका छन् ।
गएको बैशाख ३० गते भएको स्थानिय चुनावमा पार्टीको आधिकारिक उम्मेदवारका विरुद्ध असहयोग गरेको भन्दै कांग्रेसका किरण नेपाल –मोरङ क्षेत्र नं.६ (ख) उपसभापति, सन्जय नेपाल –वडा सदस्य, कुमारी शोभा दाहाल – केन्द्रीय महाधिबेशन प्रतिनिधि, विमल पोखरेल –नगर सदस्य र ध्रुवराज कोइराला –नगर सदस्यहरुलाई विराटनगर ११ का कांग्रेस वडा सभापति रामसुन्दर राजबंशीले कार्वाहीको लागि सिफारिस गरेका थिए । यो वडा कांग्रेस केन्द्रीय सदस्य डिला संगौलाको वडा पनि हो । उनैले टिकट दिलाएका राजबंशी हारेपछि संग्रौला कार्यकर्तामाथी दमनमा उत्रेकी हुन् ।
विज्ञप्तिमा १ सय २३ क्रियाशीलको हस्ताक्षर गरिएको छ । जसमा कारवाहीको विषय मुल मुद्धा बनाइएको छ । लोकतान्त्रिक व्यवस्थामा कारवाही न्यायसंगत हुनुपर्नेमा कार्यकर्ताले जोड दिएका छन् । विज्ञप्तिमा सहि गर्नेहरु वडाका बहुसंख्यक नेतृत्वदायी भुमिकामा रहेका मानिसहरु रहेका छन् । जसमा केन्द्रीय महाधिवेशन प्रतिनिधि २ जना,क्षेत्रीय प्रतिनिधि ५ जना,क्षेत्र ६ ख का उपसभापति १ जना,नगर सदस्य ३ जना,वडा कार्यसमितिको उपसभापति १ जना,वडा कार्यसमिति सचिव २ जना,वडा कार्यसमिति सदस्य १२ जना ,निर्वाचित वडा सदस्य २ जना र क्रियासिल सदस्य ९५ जनाले विज्ञप्तिमा हस्ताक्षर गरेका छन् । यता सो विषयमा बुझ्नका लागि संग्रौला संग सम्पर्क गर्दा सम्पर्क हुन सकेन ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
