Birat Post सोमबार, जेठ १६, २०७९ मा प्रकाशित
उदयपुर,१६जेठ ।
उदयपुरको कटारी नगरपालिकाको भदौरेस्थित चनौटे खोलानजिक सवारी दुर्घटना हुँदा चार जनाको घटनास्थलमै मृत्यु भएको छ। ईटहरी स्थित प्रदेश १ ट्राफिक प्रहरी कार्यालयका प्रमुख प्रहरी उपरिक्षक बासुदेव खतिवडाका अनुसार सोमबार बिहान ट्रक दुर्घटनामा चारजना पुरूषको मृत्यु भएको हो। ट्राफिक प्रहरी प्रमुख खतिवडाले सोलुखुम्बुस्थित मिक्लु सोलु हाईड्रोको लागि हेटौँडाबाट आवश्यक निर्माण सामाग्री सिमेन्ट लैजाने क्रममा ना-८ ख ८२९७ नम्बरको लोबेड ट्रक दुर्घटनामा परेको जानकारी दिए।
सोमबार बिहान करिब अढाइ बजेतिर कुदिरहेको ट्रकका चालक निदाउँदा अनियन्त्रित भएर ट्रक सडकबाट करिब १ सय मिटर तल खसेको प्रहरीको प्रारम्भिक अनुसन्धानमा खुलेको उनले बताए। यसक्रममा ट्रकका चालक बाराको सिमरा–१ का ३५ वर्षीय सुजित घलान, सहचालक २५ वर्षीय नितेश खड्का, ट्रकमा सवार सिमरा–१ का १७ वर्षीय अनुज लामा र ३७ वर्षीय राजन तामाङको घटनास्थलमै मृत्यु खतिवडाले जानकारी दिए। हाल घटनास्थबाट शव निकालेर पोस्टमार्टमका लागि लैजाने तयारी भइरहेको उनको भनाई छ।
विराट एक्स्पोमा व्यवसायीक सहकार्यकालागि विराट बजार विटुवि पेभिलियनको व्यवस्था
भारत उत्तर प्रदेशको प्रयागराजस्थित त्रिवेणी संगममा महाकुम्भ,धर्मानुरागीको भिड
स्वस्थानीको कथा सुन्ने र सुनाउने चलन,धर्मप्रतिको जनविश्वास अझ बढ्दो
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
