Birat Post शनिबार, माघ २२, २०७८ मा प्रकाशित
विराटनगर,२२ माघ ।
जन्मदिन मनाउदा मानिसले विभिन्न फजुलका कार्यक्रम गरेर खर्च गरिरहेको पाइन्छ । यही समाजमा कतिपय यस्ता मानिसहरु पनि हुन्छन् जसले पृथक कार्य गरेको पनि पाइन्छ । विराटनगर महानगरपालिका अन्तरगत वडा नं -५ आधारभूत स्वास्थ्य केन्द्रमा कार्यरत ल्याव टेक्निसियन निता लुइटेलले आफ्नो जन्मदिन पूर्वाञ्चल बालआश्रमका बालबालिका संग मनाएकी छन् । उनले जन्मदिनमा हुने अतिरिक्त खर्च जोगाएर आश्रममा रहेका बालबालिकाहरु संग खुसीयाली साटिन् । बालबालिकाहरुलाई खाना ख्वाउनका साथै अध्ययनका लागि आबश्यक पर्ने कलम र कपी समेत बाढेकी छन् ।
कोभिड संक्रमणका बेला शुरु अवस्थादेखीनै अग्रस्थानमा रहेर पिसिआर (कोभिड) परिक्षणमा खटिएकी उनी उत्कृष्ठ स्वास्थ्यकर्मीकोरुपमा समेत सम्मानित भएकी ब्यक्ति हुन् । पति सागर काफ्ले पनि श्रीमती संगै आश्रम पुगेर जन्मदिन मनाएका छन् । प्राध्यापक समेत रहेका काफ्ले सामाजिक क्षेत्रमा समेत संक्रिय रहदै आएका छन् ।
उनी जस्तै धेरै सामाजिक अभियन्ता, समाजसेवी, उद्योगी, प्राध्यापक, शिक्षक, वकिल, चिकित्सक, विद्यार्थी लगायतले जन्मदिन मनाउन पूर्वाञ्चल बालआश्रम रोज्ने गरेको आश्रम संचालक सीता पोखरेलले बताइन् । जन्मदिन, बार्षिक उत्सव र खुशी साट्न आउनेहरुका कारण आश्रमलाई केहि राहत समेत मिलेको छ । अहिले आश्रममा ७०जना भन्दा बढी बालबालिकाहरु बस्दै आएका छन् ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
