Birat Post बिहिबार, आश्विन २८, २०७८ मा प्रकाशित
विराटनगर,२८ असोज ।
विराटनगर महानगरका मेयर भीम पराजुली धार्मिक कर्ममा बढी रुचि राख्छन् । उनले महिना दिनमा पर्न आउने ब्रत बाहेक विशेषरुपमा बडा दशै अर्थात नवरात्र भरी अन्न ग्रहण नगरी देवीको आरधना गर्ने गरेका छन् भने छठ पर्वमा झण्डै ३ किलोमिटर दण्ड प्रमाण गर्दै घाट सम्म पुग्ने गरेका छन् ।
सदाका वर्ष झै यस वर्ष पनि नवरात्र भरी अन्न ग्रहण नगरीे मेयर पराजुलीले देवी पुजन गरेका छन् । विहिबार नव रात्रको नवौ दिन पराजुलीले नव कन्याहरुको पुजन,होम होमादी समेत गरेका छन् । अखण्डरुपमा घटस्थापना देखि दशमी सम्म अन्न ग्रहण नगरी उनले धार्मिक अनुष्ठान गरेको धार्मिक अभियन्ता अनन्त पराजुलीले जानकारी दिए ।
नगरवासी तथा देशवासीहरुको सुख शान्ति तथा दीर्घजीवनको कामना गर्दै अनुष्ठान गरेको बताईएको छ । धार्मिक कर्म गर्दा शान्तिको महसुस हुने बताउने पराजुली सानै उमेरदेखि धार्मिक कर्म र अनुन्ठानका कार्य समेत गर्दै आएका छन् । हिन्दु धर्म मान्यता अनुरुप विजया दशमीको नवौ दिन नव कन्याहरुको पुजनलाई विशेष नारी शक्ति स्वरुपाको पुजनकारुपमा लिइन्छ ।
धर्म,सस्कृति संरक्षणका सवालमा सक्रिय पराजुली विराटनगरलाई विशेष धार्मिक नगरीकारुपमा विकास गर्न चाहन्छन् भन्ने कुरा उनले वेला वेला दिने अभिव्यक्तिहरुले स्पष्ट पार्दछ ।
ताप्लेजुङको पाथीभरा क्षेत्रमा हिमपात
नेपालमै पहिलो पटक बालविकास सम्वन्धि अन्तर्राष्ट्रिय सम्मेलन हुने
ग्रेटर नेपाल अभियानका फणिन्द्र नेपाल पक्राउ
विराटपोष्ट डिजिटल प्रा.लि.
विराटनगर – मोरङ ,नेपाल
कम्पनी दर्ता प्रमाणपत्र नं.:२२७८४३/०७६/०७७
स्थायी लेखा नं.:६०९६५५९५५
सूचना तथा प्रसारण विभाग दर्ता नं:१६६५/०७६/०७७
Email: [email protected]
